भारतात, अन्नाला "अन्न हे पूर्णब्रह्म " असे मानले जाते, म्हणजे अन्न हे 'ब्रह्मा' किंवा विश्वाच्या निर्मात्याच्या बरोबरीचे आहे. महाराष्ट्रीयन खाद्यपदार्थांमध्ये जिभेच्या गुदगुल्या करणाऱ्या सौम्य ते अतिशय मसालेदार पदार्थांचा समावेश आहे. आज आपण महाराष्ट्राच्या खाद्यपदार्थांबद्दल जाणून घेणार आहोत.

सण-उत्सवात हरभरा पासून पुरणपोळी बनवली जाते. यामध्ये प्रथिने, जीवनसत्त्वे आणि सर्व प्रकारचा संतुलित आहार असतो. ही पोळी गोड असून गुळवणी(गुळ, पाणी व दूध यांचे मिश्रण), तूप आणि फक्त दुधासोबत खाल्ली जाते. महाराष्ट्रीयन थाळीत आणखी एक खाद्य आहे ते म्हणजे कोशिंबीर. हा सॅलडचा प्रकार असून त्यात काकडी, टोमॅटो, मिरची, दही, कांदा आणि मीठ असते. त्याची चव खूप वेगळी व संतुलित आहे. आता मसालेदार, आंबट असा विविधतेने परिपूर्ण आणि मसालेदार खाद्यपदार्थ येतो, ज्याला चटणी म्हणतात. वर म्हटल्याप्रमाणे ती मसालेदार आणि आंबट असते पण चटणीमध्ये वेगवेगळे प्रकार असतात. कधी कधी शेंगदाणे, नारळ, कांदा आणि कच्चा आंबा, चिंच आणि हिरवी मिरची यांची चटणी केली जाते. महाराष्ट्रात शेंगदाण्याची चटणी सोलापूरची प्रसिद्ध आहे. तसेच ठेचा महाराष्ट्रातही प्रसिद्ध आहे. जो मिरची, लसूण, लिंबू, शेंगदाणे, मीठ वापरून बनवला जातो. हे खूप मसालेदार आणि चवदार आहे. पापड हे काळ्या हरभऱ्याच्या पीठाचे खोल तळलेले पीठ आहे, ते कुरकुरीत होईपर्यंत तळलेले किंवा कोरड्या आचेवर शिजवले जाते. हा देखील महाराष्ट्रीयन थाळीचा भाग आहे. एका गोड पदार्थाचाही ताटात समावेश होतो. पण महाराष्ट्रातील सर्वात प्रेमळ आणि चवदार गोड म्हणजे उकडीचे मोदक. हिंदूंमध्ये, हे भगवान श्री गणपतीच्या आवडत्या पदार्थांपैकी एक मानले जाते. मोदकाच्या आतील गोड भरणात ताजे खिसलेले खोबरे आणि गूळ असतो, तर बाहेरील मऊ कवच तांदळाचे पीठ किंवा गव्हाच्या पिठात खवा किंवा मैद्याचे पीठ मिसळून बनवले जाते. तळलेले मोदक हे स्वादिष्ट गोड असतात, बाहेरचे आवरण कुरकुरीत आणि आतून मऊ असते. मग येतो वरण भात. साधे वाफवलेले तांदूळ, वरण (त्यावर फोडणी असलेली तूर डाळ) आणि घरगुती तुपाची धार. पेयांमध्ये, महाराष्ट्रीयन कढी ही गोड आणि आंबट ताकापासून बनवली जाते. कढीला काहीही तोड नाही. महाराष्ट्रीयन थाळीतील पेय हे जगातील सर्वोत्तम पेय मानले जातात. त्यात कढी, बासुंदी, रबडी, ताक, मठ्ठा आहे.

महाराष्ट्रीय थाळीचा आणखी एक प्रकार म्हणजे भाकर, पिठलं, ठेचा, कांदा आणि घोळाणा. भाकर ही ज्वारीच्या पिठाची बनते. कधी कधी ती बाजरीच्या पिठापासूनही बनवली जाते. चुलीवर बनवल्यावरच खरी चव येते. पिठलं बेसन पिठापासून बनवलं जातं आणि त्यात मिरचीचा ठेचा, कांदा असतो. घोळाणा हा खासकरून महाराष्ट्रातील मराठवाडा भागा खाल्ला जाणारा खाद्यपदार्थ आहे. ही कच्ची मेथी तिखट मिसळून थेट खाल्ली जाते. यामध्ये मोठ्या प्रमाणात फायबर आणि लोह असते. हे खाताना कांदा थेट हाताने फोडून खातात. महाराष्ट्रात खाण्यासाठी अजून बरेच पदार्थ आहेत. त्याला मर्यादा नाही.